𑌪𑍍𑌰𑌵𑍇𑌶
।। 𑌓𑌂 𑌓𑌂 𑌨𑌮𑍋 𑌨𑌾𑌰𑌾𑌯𑌣𑌾𑌯।। 𑌶𑍍𑌰𑍀 𑌵𑍇𑌦𑌵𑍍𑌯𑌾𑌸𑌾𑌯 𑌨𑌮𑌃 ।।
𑌶𑍍𑌰𑍀 𑌕𑍃𑌷𑍍𑌣𑌦𑍍𑌵𑍈𑌪𑌾𑌯𑌨 𑌵𑍇𑌦𑌵𑍍𑌯𑌾𑌸 𑌵𑌿𑌰𑌚𑌿𑌤
𑌶𑍍𑌰𑍀 𑌮𑌹𑌾𑌭𑌾𑌰𑌤
𑌆𑌦𑌿 𑌪𑌰𑍍𑌵
𑌸𑌂𑌭𑌵 𑌪𑌰𑍍𑌵
𑌅𑌧𑍍𑌯𑌾𑌯 86
𑌸𑌾𑌰
𑌅𑌷𑍍𑌟𑌕 𑌮𑌤𑍍𑌤𑍁 𑌯𑌯𑌾𑌤𑌿𑌯𑌰 𑌸𑌂𑌵𑌾𑌦 (1-18)
01087001 𑌅𑌷𑍍𑌟𑌕 𑌉𑌵𑌾𑌚।
01087001a 𑌕𑌤𑌰𑌸𑍍𑌤𑍍𑌵𑍇𑌤𑌯𑍋𑌃 𑌪𑍂𑌰𑍍𑌵𑌂 𑌦𑍇𑌵𑌾𑌨𑌾𑌮𑍇𑌤𑌿 𑌸𑌾𑌤𑍍𑌮𑍍𑌯𑌤𑌾𑌂।
01087001c 𑌉𑌭𑌯𑍋𑌰𑍍𑌧𑌾𑌵𑌤𑍋 𑌰𑌾𑌜𑌨𑍍𑌸𑍂𑌰𑍍𑌯𑌾𑌚𑌂𑌦𑍍𑌰𑌮𑌸𑍋𑌰𑌿𑌵।।
01087002 𑌯𑌯𑌾𑌤𑌿𑌰𑍁𑌵𑌾𑌚।
01087002a 𑌅𑌨𑌿𑌕𑍇𑌤𑍋 𑌗𑍃𑌹𑌸𑍍𑌥𑍇𑌷𑍁 𑌕𑌾𑌮𑌵𑍃𑌤𑍍𑌤𑍇𑌷𑍁 𑌸𑌮𑍍𑌯𑌤𑌃।
01087002c 𑌗𑍍𑌰𑌾𑌮 𑌏𑌵 𑌵𑌸𑌨𑍍𑌭𑌿𑌕𑍍𑌷𑍁𑌸𑍍𑌤𑌯𑍋𑌃 𑌪𑍂𑌰𑍍𑌵𑌤𑌰𑌂 𑌗𑌤𑌃।।
01087003a 𑌅𑌪𑍍𑌰𑌾𑌪𑍍𑌯 𑌦𑍀𑌰𑍍𑌘𑌮𑌾𑌯𑍁𑌸𑍍𑌤𑍁 𑌯𑌃 𑌪𑍍𑌰𑌾𑌪𑍍𑌤𑍋 𑌵𑌿𑌕𑍃𑌤𑌿𑌂 𑌚𑌰𑍇𑌤𑍍।
01087003c 𑌤𑌪𑍍𑌯𑍇𑌤 𑌯𑌦𑌿 𑌤𑌤𑍍𑌕𑍃𑌤𑍍𑌵𑌾 𑌚𑌰𑍇𑌤𑍍𑌸𑍋𑌽𑌨𑍍𑌯𑌤𑍍𑌤𑌤𑌸𑍍𑌤𑌪𑌃।।
01087004a 𑌯𑌦𑍍𑌵𑍈 𑌨𑍃𑌶𑌂𑌸𑌂 𑌤𑌦𑌪𑌥𑍍𑌯𑌮𑌾𑌹𑍁𑌃 𑌯𑌃 𑌸𑍇𑌵𑌤𑍇 𑌧𑌰𑍍𑌮𑌮𑌨𑌰𑍍𑌥𑌬𑍁𑌦𑍍𑌧𑌿𑌃।
01087004c 𑌅𑌸𑍍𑌵𑍋𑌽𑌪𑍍𑌯𑌨𑍀𑌶𑌶𑍍𑌚 𑌤𑌥𑍈𑌵 𑌰𑌾𑌜𑌨𑍍 𑌤𑌦𑌾𑌰𑍍𑌜𑌵𑌂 𑌸 𑌸𑌮𑌾𑌧𑌿𑌸𑍍𑌤𑌦𑌾𑌰𑍍𑌯𑌂।।
01087005 𑌅𑌷𑍍𑌟𑌕 𑌉𑌵𑌾𑌚।
01087005a 𑌕𑍇𑌨𑌾𑌸𑌿 𑌦𑍂𑌤𑌃 𑌪𑍍𑌰𑌹𑌿𑌤𑍋𑌽𑌦𑍍𑌯 𑌰𑌾𑌜𑌨𑍍 𑌯𑍁𑌵𑌾 𑌸𑍍𑌰𑌗𑍍𑌵𑍀 𑌦𑌰𑍍𑌶𑌨𑍀𑌯𑌃 𑌸𑍁𑌵𑌰𑍍𑌚𑌾𑌃।
01087005c 𑌕𑍁𑌤 𑌆𑌗𑌤𑌃 𑌕𑌤𑌰𑌸𑍍𑌯𑌾𑌂 𑌦𑌿𑌶𑌿 𑌤𑍍𑌵𑌂 𑌉𑌤𑌾𑌹𑍋 𑌸𑍍𑌵𑌿𑌤𑍍𑌪𑌾𑌰𑍍𑌥𑌿𑌵𑌂 𑌸𑍍𑌥𑌾𑌨𑌮𑌸𑍍𑌤𑌿।।
01087006 𑌯𑌯𑌾𑌤𑌿𑌰𑍁𑌵𑌾𑌚।
01087006a 𑌇𑌮𑌂 𑌭𑍗𑌮𑌂 𑌨𑌰𑌕𑌂 𑌕𑍍𑌷𑍀𑌣𑌪𑍁𑌣𑍍𑌯𑌃 𑌪𑍍𑌰𑌵𑍇𑌷𑍍𑌟𑍁𑌮𑍁𑌰𑍍𑌵𑍀𑌂 𑌗𑌗𑌨𑌾𑌦𑍍𑌵𑌿𑌪𑍍𑌰𑌕𑍀𑌰𑍍𑌣𑌃।
01087006c 𑌉𑌕𑍍𑌤𑍍𑌵𑌾𑌹𑌂 𑌵𑌃 𑌪𑍍𑌰𑌪𑌤𑌿𑌷𑍍𑌯𑌾𑌮𑍍𑌯𑌨𑌂𑌤𑌰𑌂 𑌤𑍍𑌵𑌰𑌂𑌤𑌿 𑌮𑌾𑌂 𑌬𑍍𑌰𑌾𑌹𑍍𑌮𑌣𑌾 𑌲𑍋𑌕𑌪𑌾𑌲𑌾𑌃।।
01087007a 𑌸𑌤𑌾𑌂 𑌸𑌕𑌾𑌶𑍇 𑌤𑍁 𑌵𑍃𑌤𑌃 𑌪𑍍𑌰𑌪𑌾𑌤𑌃 𑌤𑍇 𑌸𑌂𑌗𑌤𑌾 𑌗𑍁𑌣𑌵𑌂𑌤𑌶𑍍𑌚 𑌸𑌰𑍍𑌵𑍇।
01087007c 𑌶𑌕𑍍𑌰𑌾𑌚𑍍𑌚 𑌲𑌬𑍍𑌧𑍋 𑌹𑌿 𑌵𑌰𑍋 𑌮𑌯𑍈𑌷 𑌪𑌤𑌿𑌷𑍍𑌯𑌤𑌾 𑌭𑍂𑌮𑌿𑌤𑌲𑍇 𑌨𑌰𑍇𑌂𑌦𑍍𑌰।।
01087008 𑌅𑌷𑍍𑌟𑌕 𑌉𑌵𑌾𑌚।
01087008a 𑌪𑍃𑌚𑍍𑌛𑌾𑌮𑌿 𑌤𑍍𑌵𑌾𑌂 𑌮𑌾 𑌪𑍍𑌰𑌪𑌤 𑌪𑍍𑌰𑌪𑌾𑌤𑌂 𑌯𑌦𑌿 𑌲𑍋𑌕𑌾𑌃 𑌪𑌾𑌰𑍍𑌥𑌿𑌵 𑌸𑌂𑌤𑌿 𑌮𑍇𑌽𑌤𑍍𑌰।
01087008c 𑌯𑌦𑍍𑌯𑌂𑌤𑌰𑌿𑌕𑍍𑌷𑍇 𑌯𑌦𑌿 𑌵𑌾 𑌦𑌿𑌵𑌿 𑌶𑍍𑌰𑌿𑌤𑌾𑌃 𑌕𑍍𑌷𑍇𑌤𑍍𑌰𑌜𑍍𑌞𑌂 𑌤𑍍𑌵𑌾𑌂 𑌤𑌸𑍍𑌯 𑌧𑌰𑍍𑌮𑌸𑍍𑌯 𑌮𑌨𑍍𑌯𑍇।।
01087009 𑌯𑌯𑌾𑌤𑌿𑌰𑍁𑌵𑌾𑌚।
01087009a 𑌯𑌾𑌵𑌤𑍍𑌪𑍃𑌥𑌿𑌵𑍍𑌯𑌾𑌂 𑌵𑌿𑌹𑌿𑌤𑌂 𑌗𑌵𑌾𑌶𑍍𑌵𑌂 𑌸𑌹𑌾𑌰𑌣𑍍𑌯𑍈𑌃 𑌪𑌶𑍁𑌭𑌿𑌃 𑌪𑌰𑍍𑌵𑌤𑍈𑌶𑍍𑌚।
01087009c 𑌤𑌾𑌵𑌲𑍍𑌲𑍋𑌕𑌾 𑌦𑌿𑌵𑌿 𑌤𑍇 𑌸𑌂𑌸𑍍𑌥𑌿𑌤𑌾 𑌵𑍈 𑌤𑌥𑌾 𑌵𑌿𑌜𑌾𑌨𑍀𑌹𑌿 𑌨𑌰𑍇𑌂𑌦𑍍𑌰𑌸𑌿𑌂𑌹।।
01087010 𑌅𑌷𑍍𑌟𑌕 𑌉𑌵𑌾𑌚।
01087010a 𑌤𑌾𑌂𑌸𑍍𑌤𑍇 𑌦𑌦𑌾𑌮𑌿 𑌮𑌾 𑌪𑍍𑌰𑌪𑌤 𑌪𑍍𑌰𑌪𑌾𑌤𑌂 𑌯𑍇 𑌮𑍇 𑌲𑍋𑌕𑌾 𑌦𑌿𑌵𑌿 𑌰𑌾𑌜𑍇𑌂𑌦𑍍𑌰 𑌸𑌂𑌤𑌿।
01087010c 𑌯𑌦𑍍𑌯𑌂𑌤𑌰𑌿𑌕𑍍𑌷𑍇 𑌯𑌦𑌿 𑌵𑌾 𑌦𑌿𑌵𑌿 𑌶𑍍𑌰𑌿𑌤𑌾𑌃 𑌤𑌾𑌨𑌾𑌕𑍍𑌰𑌮 𑌕𑍍𑌷𑌿𑌪𑍍𑌰𑌮𑌮𑌿𑌤𑍍𑌰𑌸𑌾𑌹।।
01087011 𑌯𑌯𑌾𑌤𑌿𑌰𑍁𑌵𑌾𑌚।
01087011a 𑌨𑌾𑌸𑍍𑌮𑌦𑍍𑌵𑌿𑌧𑍋𑌽𑌬𑍍𑌰𑌾𑌹𑍍𑌮𑌣𑍋 𑌬𑍍𑌰𑌹𑍍𑌮𑌵𑌿𑌚𑍍𑌚 𑌪𑍍𑌰𑌤𑌿𑌗𑍍𑌰𑌹𑍇 𑌵𑌰𑍍𑌤𑌤𑍇 𑌰𑌾𑌜𑌮𑍁𑌖𑍍𑌯।
01087011c 𑌯𑌥𑌾 𑌪𑍍𑌰𑌦𑍇𑌯𑌂 𑌸𑌤𑌤𑌂 𑌦𑍍𑌵𑌿𑌜𑍇𑌭𑍍𑌯𑌃 𑌤𑌥𑌾𑌦𑌦𑌂 𑌪𑍂𑌰𑍍𑌵𑌮𑌹𑌂 𑌨𑌰𑍇𑌂𑌦𑍍𑌰।।
01087012a 𑌨𑌾𑌬𑍍𑌰𑌾𑌹𑍍𑌮𑌣𑌃 𑌕𑍃𑌪𑌣𑍋 𑌜𑌾𑌤𑍁 𑌜𑍀𑌵𑍇𑌦𑍍𑌯𑌾 𑌚𑌾𑌪𑌿 𑌸𑍍𑌯𑌾𑌦𑍍𑌬𑍍𑌰𑌾𑌹𑍍𑌮𑌣𑍀 𑌵𑍀𑌰𑌪𑌤𑍍𑌨𑍀।
01087012c 𑌸𑍋𑌽𑌹𑌂 𑌯𑌦𑍈𑌵𑌾𑌕𑍃𑌤𑌪𑍂𑌰𑍍𑌵𑌂 𑌚𑌰𑍇𑌯𑌂 𑌵𑌿𑌵𑌿𑌤𑍍𑌸𑌮𑌾𑌨𑌃 𑌕𑌿𑌮𑍁 𑌤𑌤𑍍𑌰 𑌸𑌾𑌧𑍁।।
01087013 𑌪𑍍𑌰𑌤𑌰𑍍𑌦𑌨 𑌉𑌵𑌾𑌚।
01087013a 𑌪𑍃𑌚𑍍𑌛𑌾𑌮𑌿 𑌤𑍍𑌵𑌾𑌂 𑌸𑍍𑌪𑍃𑌹𑌣𑍀𑌯𑌰𑍂𑌪 𑌪𑍍𑌰𑌤𑌰𑍍𑌦𑌨𑍋𑌽𑌹𑌂 𑌯𑌦𑌿 𑌮𑍇 𑌸𑌂𑌤𑌿 𑌲𑍋𑌕𑌾𑌃।
01087013c 𑌯𑌦𑍍𑌯𑌂𑌤𑌰𑌿𑌕𑍍𑌷𑍇 𑌯𑌦𑌿 𑌵𑌾 𑌦𑌿𑌵𑌿 𑌶𑍍𑌰𑌿𑌤𑌾𑌃 𑌕𑍍𑌷𑍇𑌤𑍍𑌰𑌜𑍍𑌞𑌂 𑌤𑍍𑌵𑌾𑌂 𑌤𑌸𑍍𑌯 𑌧𑌰𑍍𑌮𑌸𑍍𑌯 𑌮𑌨𑍍𑌯𑍇।।
01087014 𑌯𑌯𑌾𑌤𑌿𑌰𑍁𑌵𑌾𑌚।
01087014a 𑌸𑌂𑌤𑌿 𑌲𑍋𑌕𑌾 𑌬𑌹𑌵𑌸𑍍𑌤𑍇 𑌨𑌰𑍇𑌂𑌦𑍍𑌰 𑌅𑌪𑍍𑌯𑍇𑌕𑍈𑌕𑌃 𑌸𑌪𑍍𑌤 𑌸𑌪𑍍𑌤𑌾𑌪𑍍𑌯𑌹𑌾𑌨𑌿।
01087014c 𑌮𑌧𑍁𑌚𑍍𑌯𑍁𑌤𑍋 𑌘𑍃𑌤𑌪𑍃𑌕𑍍𑌤𑌾 𑌵𑌿𑌶𑍋𑌕𑌾𑌃 𑌤𑍇 𑌨𑌾𑌂𑌤𑌵𑌂𑌤𑌃 𑌪𑍍𑌰𑌤𑌿𑌪𑌾𑌲𑌯𑌂𑌤𑌿।।
01087015 𑌪𑍍𑌰𑌤𑌰𑍍𑌦𑌨 𑌉𑌵𑌾𑌚।
01087015a 𑌤𑌾𑌂𑌸𑍍𑌤𑍇 𑌦𑌦𑌾𑌮𑌿 𑌮𑌾 𑌪𑍍𑌰𑌪𑌤 𑌪𑍍𑌰𑌪𑌾𑌤𑌂 𑌯𑍇 𑌮𑍇 𑌲𑍋𑌕𑌾𑌸𑍍𑌤𑌵 𑌤𑍇 𑌵𑍈 𑌭𑌵𑌂𑌤𑍁।
01087015c 𑌯𑌦𑍍𑌯𑌂𑌤𑌰𑌿𑌕𑍍𑌷𑍇 𑌯𑌦𑌿 𑌵𑌾 𑌦𑌿𑌵𑌿 𑌶𑍍𑌰𑌿𑌤𑌾𑌃 𑌤𑌾𑌨𑌾𑌕𑍍𑌰𑌮 𑌕𑍍𑌷𑌿𑌪𑍍𑌰𑌮𑌪𑍇𑌤𑌮𑍋𑌹𑌃।।
01087016 𑌯𑌯𑌾𑌤𑌿𑌰𑍁𑌵𑌾𑌚।
01087016a 𑌨 𑌤𑍁𑌲𑍍𑌯𑌤𑍇𑌜𑌾𑌃 𑌸𑍁𑌕𑍃𑌤𑌂 𑌕𑌾𑌮𑌯𑍇𑌤 𑌯𑍋𑌗𑌕𑍍𑌷𑍇𑌮𑌂 𑌪𑌾𑌰𑍍𑌥𑌿𑌵 𑌪𑌾𑌰𑍍𑌥𑌿𑌵𑌃 𑌸𑌨𑍍।
01087016c 𑌦𑍈𑌵𑌾𑌦𑍇𑌶𑌾𑌦𑌾𑌪𑌦𑌂 𑌪𑍍𑌰𑌾𑌪𑍍𑌯 𑌵𑌿𑌦𑍍𑌵𑌾𑌂𑌶𑍍𑌚𑌰𑍇𑌨𑍍𑌨𑍃𑌶𑌂𑌸𑌂 𑌨 𑌹𑌿 𑌜𑌾𑌤𑍁 𑌰𑌾𑌜𑌾।।
01087017a 𑌧𑌰𑍍𑌮𑍍𑌯𑌂 𑌮𑌾𑌰𑍍𑌗𑌂 𑌚𑍇𑌤𑌯𑌾𑌨𑍋 𑌯𑌶𑌸𑍍𑌯𑌂 𑌕𑍁𑌰𑍍𑌯𑌾𑌨𑍍𑌨𑍃𑌪𑍋 𑌧𑌰𑍍𑌮𑌮𑌵𑍇𑌕𑍍𑌷𑌮𑌾𑌣𑌃।
01087017c 𑌨 𑌮𑌦𑍍𑌵𑌿𑌧𑍋 𑌧𑌰𑍍𑌮𑌬𑍁𑌦𑍍𑌧𑌿𑌃 𑌪𑍍𑌰𑌜𑌾𑌨𑌨𑍍 𑌕𑍁𑌰𑍍𑌯𑌾𑌦𑍇𑌵𑌂 𑌕𑍃𑌪𑌣𑌂 𑌮𑌾𑌂 𑌯𑌥𑌾𑌤𑍍𑌥।।
01087018a 𑌕𑍁𑌰𑍍𑌯𑌾𑌮𑌪𑍂𑌰𑍍𑌵𑌂 𑌨 𑌕𑍃𑌤𑌂 𑌯𑌦𑌨𑍍𑌯𑍈𑌃 𑌵𑌿𑌵𑌿𑌤𑍍𑌸𑌮𑌾𑌨𑌃 𑌕𑌿𑌮𑍁 𑌤𑌤𑍍𑌰 𑌸𑌾𑌧𑍁।
01087018c 𑌬𑍍𑌰𑍁𑌵𑌾𑌣𑌮𑍇𑌵𑌂 𑌨𑍃𑌪𑌤𑌿𑌂 𑌯𑌯𑌾𑌤𑌿𑌂 𑌨𑍃𑌪𑍋𑌤𑍍𑌤𑌮𑍋 𑌵𑌸𑍁𑌮𑌨𑌾𑌬𑍍𑌰𑌵𑍀𑌤𑍍𑌤𑌂।।
𑌸𑌮𑌾𑌪𑍍𑌤𑌿
𑌇𑌤𑌿 𑌶𑍍𑌰𑍀 𑌮𑌹𑌾𑌭𑌾𑌰𑌤𑍇 𑌆𑌦𑌿𑌪𑌰𑍍𑌵𑌣𑌿 𑌸𑌂𑌭𑌵𑌪𑌰𑍍𑌵𑌣𑌿 𑌯𑌯𑌾𑌤𑍍𑌯𑍁𑌪𑌾𑌖𑍍𑌯𑌾𑌨𑍇 𑌸𑌪𑍍𑌤𑌾𑌶𑍀𑌤𑌿𑌤𑌮𑍋𑌽𑌧𑍍𑌯𑌾𑌯𑌃।।
𑌇𑌦𑍁 𑌶𑍍𑌰𑍀 𑌮𑌹𑌾𑌭𑌾𑌰𑌤𑌦𑌲𑍍𑌲𑌿 𑌆𑌦𑌿𑌪𑌰𑍍𑌵𑌦𑌲𑍍𑌲𑌿 𑌸𑌂𑌭𑌵 𑌪𑌰𑍍𑌵𑌦𑌲𑍍𑌲𑌿 𑌯𑌯𑌾𑌤𑌿-𑌉𑌪𑌾𑌖𑍍𑌯𑌾𑌨𑌦𑌲𑍍𑌲𑌿 𑌏𑌀𑌂𑌭𑌤𑍍𑌤𑍇𑌳𑌨𑍇𑌀𑌯 𑌅𑌧𑍍𑌯𑌾𑌯𑌵𑍁.